[A:307a]'chi med grub pa sogs la zla ba gsum du khrid chen brgyad gnang / khyad chos su byung bas zin bris btab/ tsa ri la jo bzang rdor 'dzin la sogs pa'i gnang bkod mdzad/ sgam por
dbon rin po che bskos/ bya yul du sprul sku 'byung bar lung bstan/ ra lung du byon/ dgung lo zhe dgu pa la gshegs so/
mKhan po bSam gtan
/de la slob ma mkhan po bsam gtan pa dang / thel mkhan chen dpal ldan rgyal mtshan nam/ lhun sde rab 'byams par grags pa gnyis la mkhan po rnam gnyis/ dge slong rin rnam pa dang bsod mchog pa gnyis la dge slong rnam gnyis/ bla ma kun dga' bsam gtan pa dang rin chen dbang po gnyis la bla ma rnam gnyis/ lha btsun kun dga' chos rgyam dang sna phu rtogs ldan gnyis la rtogs ldan rnam gnyis/ shar kha ras pa dang / gangs khrod ras pa gnyis la ras pa rnam pa gnyis/ sngags 'chang rgyal mtshan lhun grub la mthu bo che mi gcig zer/ gzhan 'bri gung dbon rin po che/ 'ba' ra ba'i dbon po mnyam med nam mkha' rin chen/ gtsang smyon/ zhal snga 'phags pa lha sogs mtha' yas/ lha btsun kun dga' chos rgyal las sgrub grwa du ma mched/ gzhan bsam gyis mi khyab bo/rJe 'Brug pa chen po Ngag dbang chos rgyal
/de'i rigs kyi dbon chos kyi sras su gyur ba ni rje 'brug pa chen po ste/ yab rgyal dbang rje'i gcung po lha'i dbang po'i sras su 'khrungs/ chung ngu nas 'bri klog legs par bslabs/ dgung lo bcu gnyis pa la rgyal dbang rje dwags kong nas yar phebs pa lho brag tu bsur byon/ lho gro bo lung du rab tu byung / mtshan ngag dbang chos kyi rgyal po gsol/ de nyin nas brtsams te lo gcig gis ring la 'brug rngog gi dbang rgyud man ngag rdzogs par mdzad/ ra lung du phebs nas mdo sde'i lung gsan/ rje gshegs nas grub chen shAkya 'phel pa la 'brug skor gyi lhag ma lag len la dogs gcod zhib mo mdzad/ bcu bzhi la gdan sar bton/ mchod rten chen mo'i rab gnas kyi skabs sangs rgyas dbon gyis ma 'ongs pa'i dus 'di la zhig gsos dgos pa yong / de dus kho bo rang slebs nas byed gsungs pas/ mchod rten phyed zhig pa zhig gsos mdzad pas dbon ras kyi sprul pa'i skur shes/ gzhan stag lung ngag dbang grags pa/ sku zhang chos rje mkhyen rab mchog grub/ chos rje lhun bde ba sogs bla ma mang du bsten/ bde mchog la sogs pa'i rgyud man ngag mang du gsan/ ra lung kha ro