[A:189a] sgrub thabs bdud las rnam rgyal na yang bshad pa snang bas/ des na gtor ma lhar bskyed pa dang ma 'brel na bskang gso dang bstod pa sogs ci rgyas kyang gtor sgrub kyi tha snyad mi thob ste/ dper na rdul tshon dang ras bris kyi dkyil 'khor gang rung dkyil 'khor du bskyed pa dang ma 'brel na/ mdun bskyed mchod bstod rgyas bsdus gang yin kyang dkyil 'khor sgrub mchod kyi tha snyad mi thob pa bzhin no/ /gnad 'di ni snying gi dkyil du chongs shig des na bskang bshags dang gtor sgrub la mu bzhi las/ bskang bshags yin la/ gtor sgrub ma yin pa ni bshad ma thag pa ltar yin zhing / gtor sgrub yin la bskang bshags ma yin pa ni/ gtor ma lhar bskyed pa la gtor bsngo dang / bdud rtsi lnga mchod dang / bstod pa tsam byed pa'o/ /gnyis ka yin pa ni gtor ma lhar bskyed pa la bskang bshags rgyas pa byed pa'o/ /gnyis ka ma