[A:189b] yin pa ni/ gtor ma lhar bskyed pa dang yang ma 'brel zhing gtor bsngo tsam byed pa'o/ /de lta bu'i gtor sgrub kyi go don 'di rnams ni rje dbang phyug rab brtan dang / mkhan chen thams cad mkhyen pa'i gsung las ji ltar 'byung ba bzhin bkod pa yin la/ yang bla ma de dag gi bzhed pas gtor sgrub zhag mang po sbrel nas brgya tshar sogs byed na/ gtor ma lhar bskyed pa dang 'brel ba'i tshar dang po la mchod pa dang bskang ba sogs thams cad rgyas pa/ de nas tshar gzhan la rgyas bsdus byed na/ bskang ba dang bstod pa gnyis kyis chog cing / de bas bsdu na bshags pa dang bstod pa/ de bas kyang bsdu na bstod pa tsam gyis kyang chog pa yar lung pa'i yi ge las bshad do zhes gsungs shing / tshul 'di la dpag na gtor sgrub la bstod pa nges par ma chad pa gcig dgos par bzhed rgyur snang la/ yang bla ma gong ma'i phyag len lugs gcig la/ chos skyong gang la gtor sgrub brgya