[A:202a] pa/ snying kha chos kyi 'khor lo la brten nas mngon spyod kyi las bsgrub pa/ lte ba sprul pa'i 'khor lo la brten nas rgyas pa'i las bsgrub pa/ gsang gnas bde skyong gi 'khor lo la brten nas las sna tshogs bsgrub pa/ 'khor lo thog mtha' gnyis la brten nas 'gal rkyen sel zhing mthun rkyen bsgrub pa'o/ /skabs 'dir nang sgrub la brten pa'i khungs sogs kyi dogs pa'i gnas cung zad dpyad pa ni/ nang sgrub kyi man ngag zab mo 'di'i khungs ni/ rdo rje gur dang / las gsang ba'i rgyud gnyis la brten par nang sgrub kyi yig rnying las bshad la/ de yang rdo rje gur las/ de nas bcom ldan 'das rdo rje 'dzin pa nyid kyi sku dang / gsung dang / thugs rdo rje las nag po chen po 'di nyid rab tu phyung ngo / /zhes pa'i rgyud tshig 'di nyid spyi don du bshad pas phyi sgrub bstan/ sba sa don du bshad pas nang sgrub bstan par snyan brgyud 'dzin pa'i bla ma gong ma rnams bzhed cing /