[A:202b] las gsang ba'i rgyud kyis bstan tshul nges pa can zhig sngar ma mthong bas smra bar ma spobs la/ nang sgrub 'di la rtsa gsum la brten pa'i yi ge nyung ngu gong mas mdzad pa dang / de'i rjes su de nyid cung zad rgyas su btang ba dang / gsang rten lus la bcangs pa'i yig chung dam pas mdzad pa yod pa la/ gzhan yang mahA ka la'i spu gri so 'debs kyi man ngag ces bya ba ha cang mi nyung tsam zhig kyang 'byung zhing / des na 'di ni nang gi man ngag bsnyen sgrub las gsum cha tshang ba zhig yin par bzhed la/ khyad par snying ga chos 'khor la brten pa'i thun mong ma yin pa'i las sbyor ni/ rdo rje gur las/ de yi spyi bor 'dug nas ni/ /til tsam du ni za bar byed/ /ces pa'i don yin par bla ma dag gsung ngo / /gzhan yang 'di nyid yig rnying tshad ldan mang po las zur tsam bshad de/ lcam dral gyi rjes gnang gi tho mal los mdzad pa las kyang / yon tan sgrub pa'i lung sbyin