[A:204a] par bshad pa'i phyir ro/ /des na zhal ngo nang brgyud kyi khrid 'di ni nang sgrub thun mong ma yin pa yin zhing / phyi sgrub sogs gsum du phye ba'i gsang sgrub yin par bla ma brgyud pa rnams bzhed pa yin no/ /yang 'di'i las sbyor gyi dmigs pa'i skabs su/ rang dang bsgrub bya'i rtsa rnams la lha bkod nas/ gzhan la gcod pa'i dmigs pa bsgom pa'i tshe/ phan tshun mtshungs par 'dra ba'i rten 'brel gyi dbang gis gzhan la gnod pa bzhin/ rang gi tshe srog la'ang gnod pa ma yin nam snyam na/ 'di la gnad kyi zhal gdams 'di yod de/ bsgrub bya pha rol po'i rtsa la lha bkod pa ni/ phyag mtshan gyi gri gug la sogs pa'i so nang la bkug nas gcod pa'i stangs ka byed pas gzhan la gnod pa yin zhing / rnal 'byor pa rang gi rtsa la lha bkod pa na/ nang la gcod pa'i stangs ka mi byed par/ phyi la 'phyar stabs su 'dzin pas bar chad bsrung zhing rang gi tshe srog la