[A:203b] man ngag cha tshang par yod pa mal lo sogs kyis bshad cing / de yod phyin bla mas kyang khrid rim du byas nas bstan/ slob mas kyang dmigs thun du bcad nas bsgom pa la skyon ci yod soms shig des na zhal ngo nang brgyud las 'ongs pa'i gsang khrid thob pa dag gis bltas na/ yar lung pa'i 'di nang khrid thun mong ba tsam du mthong ste/ 'di las rtsa nang tsam du lha bskyed par bshad la/ zhal ngo nang brgyud las 'ongs pa la ni rtsa thig rlung gsum dang dbyer med du lha bskyed pa yin zhing / gzhan yang gzhi skye med dngos po'i gnas tshul la mkhas pa zhes bya ba/ phyi nang gsang gsum gyi dregs pa rgyud gsum ngos bzung nas/ chos thams cad sems nyid gsal stong zung 'jug gi cho 'phrul du ston pa zab pa las kyang ches zab pa yod do/ /rtsa dang dbyer med du lha bskyed pa ni yig rnying las kyang bshad de/ ro ma'i rtsa mdud dang dbyer med du mgon po rkyang ma'i rtsa mdud dang dbyer med du lha mo sogs bskyed