[A:1b]na mo wAgishwar ya/
sum rtsen dbang po'i dpag bsam lang tshol//
nye bar sim pa'i 'chi med ro brgya yis//
lha gzhon dus kyi g.yang las bsrung brtson pa//
bdud rtsi'i sgo brgya 'byed la phyag tshal lo//
'jig rten mig gcig blo ldan bzang po ni//
rgyal bas lung bstan kha ba can ljongs su//
lung dang rigs pa'i bshad srol sngon med mdzad//
bka' drin mnyam med de la phyag bgyi'o//
de yang 'di ltar thos te/ byang phyogs kha ba can gyi ljongs mun pa'i gling 'dir/ 'phags pa 'jig rten dbang phyug bsam bzhin du skye ba bzhes pa ni/ chos kyi rgyal po srong btsam sgam po zhes mtshan yongs su grags pa de nyid yin la/ de nyid sa mo glang la 'khrungs nas/ lo nyis brgya dang / drug cu re bdun pa/ me pho 'brug la/ mnga' bdag khri ral pa can gshegs glang dar ma rgyal sar gton nas/sa mo lug gi bar lo bzhi rgyal po byas/ lcag sa pho spre'u'i lo la