[A:3b]ba ri lo tsa ba bstan pa'i bya ba mdzad cing / rje btsun mi la yang sgrub rgyud kyi bstan pa sbel/ khyung po rnal 'byor la grwa pa mang dus khri tsho brgyad byung zhing / sras kyi grub thob drug byung ba la/ sgrub brgyud kyi bstan pa sbel/ rje btsun dam pa rgya gar bod du lan bzhi byon pa'i gsum pa 'phan yul du 'gro don mdzad pa dang / bzhi pa ding ri glang 'khro du lo nyi shu rtsa gcig bzhugs pa rnams kyang / jo bo chen po rje 'das rjes lo nyi shu rtsa drug tsam lon pa'i du yin pas/ lo chen gzhan don mdzad pa dang dus 'grig// rngog chos rdor/rngora? dang / zhe sdang rdo rje gnyis ka bzhugs/ mtshur dbang nge/ mes tshon po dpyal se tsha/ dkyus smon lam grags/ ra lo/ brnyan lo/ zangs dkar lo tsA ba sku mched/ 'gos lo tsA ba dpon slob/ mar pa do pa rnams bstan pa'i bya ba rgya cher mdzad/
zur chung pa'i sras sgro phug pa shAkya seng ge la rnying ma'i rgyud gsang ba snying po'i dpe 'grems stong dang lnga brgya tsam byung bar grags shing / de'i tshe/ grang ti dar ma snying po la yang / lo tsA ba chen po pa la 'gran bzod pa'i phrin las byung bar grags so//
dus der rgya 'dul ba 'dzin pa chen po'i ka ba bzhi/ gdung ma bcur grags pa rnams kyang yod/
ka ba bzhi ni 'dra 'dul 'dzin mtha' bzhi btson 'grus 'bar/ jo gdan nag po dar tshul/ rma tsho byang chub rdo rje rnams so//
rma tsho 'i slob ma bya 'dul 'dzin yin la/ de ni lo chen bod du byon pa'i lor 'khrungs pa'o//
bdag nyid chen po 'di rgya gar du ToM bhi he ru ka dang mjal/ stag gi rgyab tu bskyon/ mkha' la spyod pa'i gnas su 'khrid par brtsams pa la/ mkha' dbyings mthon po nas/ bod mun pa'i gling la gzigs pas snying rje skyes nas/ stag las babs/ bod du chos 'khor bskor ba'i thog ma ni