[A:3b]བ་རི་ལོ་ཙ་བ་བསྟན་པའི་བྱ་བ་མཛད་ཅིང་། རྗེ་བཙུན་མི་ལ་ཡང་སྒྲུབ་རྒྱུད་ཀྱི་བསྟན་པ་སྦེལ། ཁྱུང་པོ་རྣལ་འབྱོར་ལ་གྲྭ་པ་མང་དུས་ཁྲི་ཚོ་བརྒྱད་བྱུང་ཞིང་། སྲས་ཀྱི་གྲུབ་ཐོབ་དྲུག་བྱུང་བ་ལ། སྒྲུབ་བརྒྱུད་ཀྱི་བསྟན་པ་སྦེལ། རྗེ་བཙུན་དམ་པ་རྒྱ་གར་བོད་དུ་ལན་བཞི་བྱོན་པའི་གསུམ་པ་འཕན་ཡུལ་དུ་འགྲོ་དོན་མཛད་པ་དང་། བཞི་པ་དིང་རི་གླང་འཁྲོ་དུ་ལོ་ཉི་ཤུ་རྩ་གཅིག་བཞུགས་པ་རྣམས་ཀྱང་། ཇོ་བོ་ཆེན་པོ་རྗེ་འདས་རྗེས་ལོ་ཉི་ཤུ་རྩ་དྲུག་ཙམ་ལོན་པའི་དུ་ཡིན་པས། ལོ་ཆེན་གཞན་དོན་མཛད་པ་དང་དུས་འགྲིག༎ རྔོག་ཆོས་རྡོར།རྔོར྄་དང་། ཞེ་སྡང་རྡོ་རྗེ་གཉིས་ཀ་བཞུགས། མཚུར་དབང་ངེ། མེས་ཚོན་པོ་དཔྱལ་སེ་ཚ། དཀྱུས་སྨོན་ལམ་གྲགས། ར་ལོ། བརྙན་ལོ། ཟངས་དཀར་ལོ་ཙཱ་བ་སྐུ་མཆེད། འགོས་ལོ་ཙཱ་བ་དཔོན་སློབ། མར་པ་དོ་པ་རྣམས་བསྟན་པའི་བྱ་བ་རྒྱ་ཆེར་མཛད།
ཟུར་ཆུང་པའི་སྲས་སྒྲོ་ཕུག་པ་ཤཱཀྱ་སེང་གེ་ལ་རྙིང་མའི་རྒྱུད་གསང་བ་སྙིང་པོའི་དཔེ་འགྲེམས་སྟོང་དང་ལྔ་བརྒྱ་ཙམ་བྱུང་བར་གྲགས་ཤིང་། དེའི་ཚེ། གྲང་ཏི་དར་མ་སྙིང་པོ་ལ་ཡང་། ལོ་ཙཱ་བ་ཆེན་པོ་པ་ལ་འགྲན་བཟོད་པའི་ཕྲིན་ལས་བྱུང་བར་གྲགས་སོ༎
དུས་དེར་རྒྱ་འདུལ་བ་འཛིན་པ་ཆེན་པོའི་ཀ་བ་བཞི། གདུང་མ་བཅུར་གྲགས་པ་རྣམས་ཀྱང་ཡོད།
ཀ་བ་བཞི་ནི་འདྲ་འདུལ་འཛིན་མཐའ་བཞི་བཙོན་འགྲུས་འབར། ཇོ་གདན་ནག་པོ་དར་ཚུལ། རྨ་ཚོ་བྱང་ཆུབ་རྡོ་རྗེ་རྣམས་སོ༎
རྨ་ཚོ་འི་སློབ་མ་བྱ་འདུལ་འཛིན་ཡིན་ལ། དེ་ནི་ལོ་ཆེན་བོད་དུ་བྱོན་པའི་ལོར་འཁྲུངས་པའོ༎
བདག་ཉིད་ཆེན་པོ་འདི་རྒྱ་གར་དུ་ཊོཾ་བྷི་ཧེ་རུ་ཀ་དང་མཇལ། སྟག་གི་རྒྱབ་ཏུ་བསྐྱོན། མཁའ་ལ་སྤྱོད་པའི་གནས་སུ་འཁྲིད་པར་བརྩམས་པ་ལ། མཁའ་དབྱིངས་མཐོན་པོ་ནས། བོད་མུན་པའི་གླིང་ལ་གཟིགས་པས་སྙིང་རྗེ་སྐྱེས་ནས། སྟག་ལས་བབས། བོད་དུ་ཆོས་འཁོར་བསྐོར་བའི་ཐོག་མ་ནི་