[B:༣༦༠བ]འཛིན ༎
བྱང་ཆུབ་ཐུགས་གཉིས་འབྱོངས་པ་རྒྱལ་བའི་སྲས ༎
རིམ་གཉིས་ལམ་ལ་དབང་ཐོབ་རྡོ་རྗེ་འཛིན ༎
སྙིགས་དུས་འགྲོ་བའི་གཉེན་གཅིག་ཙོང་ཁ་པས ༎
རིག་འཛིན་སྡེ་སྣོད་ཀུན་ལ་བལྟ་བའི་མིག ༎
མདོ་སྔགས་རྒྱུད་སྡེ་བཞི་ཡི་ཁྱད་པར་དང ༎
རེ་རེ་ལ་ཡང་དབང་བསྐུར་དམ་ཚིག་སྲུང ༎
ལམ་འབྲས་མངོན་དུ་བྱེད་ཚུལ་བཞིར་བསྡུས་ནས ༎
བྱ་སྤྱོད་རྣལ་འབྱོར་རྒྱུད་ཀྱི་ལམ་གྱི་གནད ༎
མཚན་བཅས་མཚན་མ་མེད་པའི་རྣལ་འབྱོར་བསྒོམ ༎
བླ་མེད་དབང་ལ་ས་ཆོག་ལྷག་པར་གནས ༎
དཀྱིལ་འཁོར་བྲི་སྒྲུབ་འཇུག་པའི་ཆོ་ག་དང ༎
རྒྱུད་དོན་མ་ལུས་དབང་གི་ལམ་དུ་ནི ༎
ངེས་པ་སྟེར་བའི་དབང་བཞིའི་གདམས་པ་བསྟན ༎
སྐྱེ་ཤི་བར་དོ་སྐུ་གསུམ་བསྒྱུར་བྱེད་པའི ༎
ཐབས་ཀྱི་དམ་པ་རིམ་གཉིས་སྒོམ་ཚུལ་ལ ༎
ཡབྱ་བྲལ་ལམ་གྱིས་བགྲོད་པའི་ལུགས་བཀག་ནས ༎
རྡོ་རྗེ་བཞིས་སྐྱེད་ཏིང་འཛིན་རྣམ་པ་གསུམ ༎
རྣལ་འབྱོར་བཞི་ལྡན་ཡན་ལག་དྲུག་ལ་སྩོགས ༎
སྤྱི་ཆིངས་རྨད་དུ་བྱུང་བའི་བསྐྱེད་རིམ་བསྒོམ ༎
[A:4]
རྫོགས་རིམ་ཐབས་ཤེས་རྒྱུད་ཀྱི་གཙོ་བོའི་ལམ ༎
དུས་པའི་རིམ་ལྔ་ཟབ་གསལ་གཉིས་སུ་མེད ༎
དུས་ཀྱི་འཁོར་ལོའི་རྣལ་འབྱོར་ཡན་ལག་དྲུག ༎
བདེ་དགྱེས་ལས་གསུངས་རིམ་ལྔ་རྣལ་འབྱོར་ཆེ ༎
འཁོར་ལོ་བཞི་ལ་བརྟན་པའི་གཏུམ་མོ་བསྒོམ ༎
རྫོགས་རིམ་ཀུན་ལ་དགོས་པའི་ཐོག་མའི་ལམ ༎
རྩ་རླུང་ཐིག་ལེའི་གནད་ལ་བསྣུན་པ་ལས ༎
བྱུང་བའི་ལྷན་སྐྱེས་བདེ་སྟོང་སྦྱོར་ཚུལ་སྩོགས ༎
དྲི་མ་མེད་པའི་ལུང་དང་རིགས་པ་ཡིས ༎
རྒྱས་པར་གཏན་ལ་ཕབ་པའི་རིམ་པ་འདི ༎
མཁས་པའི་དབང་པོ་རྒྱལ་ཚབ་ཆོས་ཀྱི་རྗེ ༎
གྲུབ་པའི་དབང་ཕྱུག་འཇམ་དཔལ་རྒྱ་མཚོ་དང ༎
རྒྱལ་བའི་སྲས་པོ་ཀུན་དགའ་བཟང་པོའི་གསུང ༎
དང་དུ་བླངས་