[A:48]yum bzhugs pa'i phyogs der karma pa'i chos brgyud lhag par dar ba yod pas/ de'i ched du mtshur phur/ mtshur phu 'jam dbyangs don grub 'od zer ba'i drung du gtad phebs pas/ khong pa lha bsnyen khag che ba zhig gi sku mtshams sgang dang thug tshul phul bas/ khyed lta bu'i bstan 'dzin skyes bu la chos 'bul ba dang spro yang/ rgan po 'chi ltas zhig gis gtses pas tshe bsnyen zhig la yod na'ang/ ltas legs pa ma byung bas 'gum pa la phyogs 'dug pa mtshams bsengs pa'i brjod 'dogs srid pas/ da 'di nas kyi brda' sbyor yi ge 'di dang bcas gnas nang du slob dpon grags pa 'od zer ba'i drung du byon na 'thad ces pa'i bslab ston ltar phyin/ der nag rgya phag gsum dang mkha' 'gro rgya mtsho sogs karma pa'i lugs kyi dbang lung mang ba dang/ nang brtag rgyud gsum sogs bshad tshom kyang mang dag thob/ gar thig dbyangs sogs kyi phyag bzhes kyang yang dag par stsal nas/ phar lam nam mkha' khyung rdzong la byas kam dgon du phyin der theg chen chos rje'i bu chen blo gros chos skyong ba'i spyan sngar 'jigs byed rwa lugs skor gyi dbang rgyud man ngag/ gur brtag saM gsum gyi bshad pa theg chen chos rgyal las brgyud pa dang/ lU nag dril gsum gyi dbang yang theg chen pa nyid las brgyud pa/ gzhan yang theg chen pa'i lugs kyi gshed dmar sogs dbang bskur mang rab dang/ gur gar/ dpal ldan bla ma dam pa'i dngos slob shes rab snang ba'i phyag bzhes/ rje kam dgon pas shes rab snang ba nyid las nod pa ltar stsal/ der gur gar la saM skRa ta'i skad mang du dgos pa dang/ skabs 'gar dur khrod kyi gar sogs la pra kRa ta'i skad dgos pa rnams so sor phye bas dges nas paNDi ta zhes yang yang gsungs pas/