[A:50]nams rgya mtsho'i dbon po gangs khrod pa bya ba'i ngag las yar rgyab tu gsal bar thos pa las so//
der gsang phu brag nag pa la rdo rje 'byung ba'i lung bshad dang/ khyad par khams su dgos pa nyid la brdar bzhag pa'i kun rig gzhan phan 'od zer chen mo'i phyag rgya dbyangs sogs phyag bzhes zhib dpyod khol du gnang/ phyis mnga' ris su phebs skabs/ mnga' ris kun rig dar bas/ der bka' las/ rdor sems ma'i dbyangs de 'di 'dra zhig yong gsung stsal ba'i rgyun da lta yang ma nyams par snang ngo//
'jam dbyangs rab zhi 'khrungs pa'i dus der khyod//
legs byas me tog gsar pa'i zur phud ldem//
mthing sngon ral pa'i munydza cod pan can//
gsung rab yongs kyi glegs bam 'dzin pa bskrun//
gser mdog ngur smig dul ba'i rgyan phreng ni//
ma byin par yang rang gis rab bzhes nas//
mtshan dpe'i gzi ldan mkhyen yangs ral gri yis//
mi shes g.yul las ngang gis rgyal bar mdzad//
de lta'i rgyu yis 'jam mgon gzhon nu gang//
rab khros 'jam dpal 'jigs mdzad he ru ka//
rang bzhin dbyings nas ma g.yos thugs rje'i gar//
'bad med bskul ba'i dpa' bo srid 'dir sprul//
tshangs dbyangs nga ro srid rtse'i mthar son zhing//
mtshams gar bskyod pa'i ldem bag yid 'phrog pa//
de lta'i rdo rje slob dpon gangs can 'dir//
'jigs med 'byung gnas dal gyis byon min nam//
zhes paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las/ sngags gzhung rgya mtsho'i gnas la sbyangs pa'i skabs las bsgrags pa'i rab tu byed pa brgyad pa'o//
Chapter 9: bsnyen par rdzogs pa'i skabs
de nas dgung lo nyer gsum gyi stengs su phebs pa lcags pho rta'i lo'i dpyid mtshams