[A:51]la yang kam dgon nyid du byon nas/ rje blo gros chos skyong spyan sngar gtugs te/ gur saM gnyis/ kye rdor bka' babs bzhi/ 'dus pa 'jam rdor/ sgrol ma bla med/ gshed dmar bcu gsum ma/ dgra gdong 'khor chen dus 'khor sa bzang lugs sogs theg chen chos kyi rgyal po 'ba' zhig las brgyud pa'i rnal 'byor bla med kyi zur bka' nyi shu tsam dang/ kun rig gzhan phan snying po'i dbang/ man ngag/ rgyud bshad bzlas pa lan drug gsan gsung/ de'i dbyar chos la nA lendrar phebs/ rong ston chen po la spyi chos byang chub sems 'grel gyi bshad pa dang/ phar tshad dbu ma 'dul mngon mtha' dag gi gtong chos la la'i mgo/ la la'i sked/ la la'i mjug/ mdor na gzhung len so so'i 'phro gang gnang kun ma lus par gsan zhing/ de'i dbyar chos grol rjes grwa tshang chos 'khor rtser/ spe'u la slob dpon bzhugs sa dang/ khyam la grwa pa'i shag so so yol skor mdzad nas bzhugs skabs/ chos sdings nas spyang lung rin po ches grwa tshang la zla phyogs gcig gnang nas spyang lung du phebs/ de dus spyang lung rin po ches dgung lo bdun cu don lnga bzhes pa'i stengs su mjal/ 'di paN chen rin po che dang mjal ba'i snga ma yin/ de dus rin po che pa zur bzhugs gnang/ spyan lung pho brang gi gdan sar chos rje gzhon nu dkon mchog pa bzhugs pa la yang bslab phyag mdzad/ phyis gser mdog can du phebs/ gzhis ka rin spungs sogs kyi bla mar gyur nas kyang spyang lung du yang yang phebs skabs kyang/ bla ma bka' drin can de'i gdan sa yin gsung phyag gi bkur sti ma nyams pa gnang skad do//
de dus spyang lung rin po che la bka' chos kyi thog ma rang/ rgyal ba tshe dpag med