R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}
[B:54b]par bsgyur ba dang / gus pa'i tshul du 'dud pa dang / thun mong dang thun mong ma yin pa'i mchod pa'i phyag rgya du ma dang / phyag gnyis rdo rje dang dril bu bsnol te 'khyud pa'i phyag rgya la sogs pa sku dang gsung thugs kyi gsang ba bsam gyis mi khyab pa las byung [A:181]ba'i ngo mtshar ba'i bkod pa rnam pa'i mchog thams cad dang ldan pa gzhan dang gzhan dag kyang blo gsal zhing / yid gzhungs pa'i sku'i rim gro pa dag gi mngon sum gyi spyod yul du gyur pa kho na yin la/ de bas kyang ches gsang ba rnams ni/ phyogs 'dzin gyi tsher ma rnon pos rnam dpyod kyi mig ldongs shing / bshes gnyen ngan pa'i tshig gi dug chus rgyud ma rungs par byas pa'i skye bo 'ga' zhig ma rangs shing kun tu 'khrugs par gyur na/ de dag mtho ris dang thar ba'i bde bas 'phongs par 'gyur bas/ de'i phyir yi ge'i sna bskyungs so/ / de lta mod kyi rgyu 'bras rten cing 'brel bar 'byung ba mi bslu ba'i phyir/ phyi rol du 'byung ba'i ltas rmad du byung zhing dpag par mi nus pa/ dus de dang de'i nges pa gzung ste 'khor mor byung ba 'di la gzu bo'i blo can rnam dpyod dang ldan pa rnams kyis legs par rtogs shig de ni nyer lnga'i thun la slebs pa na/ sa chen po 'di dal bus dal bus g.yo zhing 'gul ba dang / phyogs mtshams kyi ri bo rnams kyang 'dar zhing mgo bo rnam par 'dud pa dang khong nas sgra sna tshogs 'byin par byed/ rlung g.yo ba yang dal [A:182]gyis zhi ba na/ gcan gzan gtum po'i rigs dang / ri dwags kyi khyu rnams dang / bya'i tshogs
rnams kyang rang
rang gi gnas su mgo bo smad de gcom skyung ba dang / phyi rol du 'phyang ba'i dril bu la sogs pa'i rol mo'i tshogs rnams ni ma dkrol bar rang sgra 'byin la/ rtsol ba las 'byung ba'i sgra rnams ni bags kyi zha bar gyur to/ / ljon shing gi
tshogs rnams kyang me tog dang lo ma rnams cung zad rnyings pas mya ngan gyi khur 'dzin no/ / de nas lha dang mi'i spyod yul las 'das pa'i dri bzang pos phyi nang kun tu khyab pa dang / 'ja' dkar po dbyibs phun sum tshogs pa gtsug lag khang 'di nyid la zug pa mig ldan kun gyi