[B:55a]mngon sum mo/ / de nas rgyud sde rgya mtsho'i gsang ba nges pa rtsa 'khor lo drug tu mas brtan gyi dga' bzhi'i 'gros kyis gtsug tor mchog tu bcings te/ sku drang por rdo rje dril bu bsnol bzhin pa'i ngang / bdun phrag gnyis sa ga zla ba'i tshes brgyad kyi bar du 'od gsal chos sku'i ngang bzhugs tshul bstan nas/ las rlung gi gzhon pa can gyi rnam tog bag chags dang bcas pa spangs/ sa bcu gsum bgrod/ dag pa [A:183]rnam pa bcu gnyis shar te/ zung 'jug chos sku'i go 'phang mngon du gyur pas/ rnam smin gyi sku'i snyigs ma rnams dwangs ma 'od gsal gyi ngang du yal bas 'ja' lus lhag med du 'gyur ba'i rtags dang nus pa tshang yang / 'gro ba rnams bsod nams gsog pa'i rten du zla ba nya gang ba ltar bkrag dang 'od 'phro zhing / tshul khrims kyi dri gtsang phyogs bcur khyab pa dang / byin rlabs kyi gzi mdangs 'bar bar gdung gi lhag ma cung zad bzhag nas/ mkhyen pa'i gangs ri g.yo med kyang / / thugs rje'i chu rgyun so sor 'bab/ / nyi ma mkha' la 'gro mod kyang / / 'od zer sa gzhi kun la khyab/ / ces pa'i tshul du 'od gsal chos sku'i ting nge 'dzin de las bzhengs te/ mtshan dang dpe byad la sogs rnam smin gyi yon tan rnams gsal la rdzogs pa'i sku gsung thugs mi zad pa rgyan gyi 'khor lo'i bdag nyid longs skur snang ba bskyed de/ gtsug tor gyi nor bu gsal por 'phags pa'i lam nas rol mo'i sgra chen phyogs bcur grags pa sogs/ ngo mtshar ba'i ltas du ma dang bcas te ma dag pa'i zhing 'di nas dag pa'i zhing du gshegs so/ / de [A:184]nas yang longs sku las sprul ba'i skus sku gsung thugs kyi mdzad pa bsam gyis mi khyab pas 'khor ba ji srid kyi bar du/ mtha' yas pa'i 'gro ba rnams la gang la gang 'dul gyis phrin las kyi mdzad pa rgyun mi chad pa ni chos nyid do/ / gzhan yang rnam par dkar ba'i dad pa can rnams lhag par dad pa 'phel ba dang / ma dad pa dang / btang snyoms pa rnams kyang yul khyad par can dang /