R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}

  • Pagination (Witness B): 57a
[B:57a]che bar grags pa gzhan dag las rmad du byung zhing 'gran zla dang bral ba bsgrub par mdzad cing / bla ma rdo rje 'chang chen po de nyid kyi zag pa med pa'i dgongs pa chos kyi dbyings su bskang nas/ gdul bya rnams bsod nams kyi tshogs chen po spel ba'i slad du/ gdan sa chen po dpal ldan sa skya gtso bor gyur pa'i sde 'di nyid sogs su sku gsung thugs kyi rten la mchod rdzas/ dge 'dun pa'i tshogs skye 'gro dpag tu med pa dang bcas pa la rnyed bkur sbyin gtong gi rim pa sogs/ sku ldad kyi rnam pa yang dus gsum khegs par bsgrubs/ de nas rje btsun dam pa de'i byin rlabs dang [A:190]mthu stobs kyi mnga' dbang du gyur pa rgyal sras lha'i mtshan cantsam gyi mkhyen pa dang / dad pa dang / 'dun pa/ brtul phod pa rmad du byung bas longs spyod kyi snying po don yod par bya ba'i phyir dang / dad ldan gyi gdul bya rnams kyis kyang gang la gang 'tshams pa'i dngos po ltos pa med par phul te/ slar yang yid bzhin gyi nor bu gdung ril po gcig pa/ lha dang bcas pa'i bsod nams kyi zhing du bzhugs su gsol ba'i rten du/ chos kyi sku'i rten gtso bor rnam grangs brgyad gtsug tor dri ma med pa las gsungs pa'i/ rdo rje gdan du mngon par byang chub pa'i tshe brtsigs pa byang chub chen po'i mchod rten du grags pa'i dbyibs ji lta bur gser dngul sogs rin po che sna tshogs pa las bsgrubs pa'i rnam pa ni 'di lta ste/ de yang rten phun sum tshogs pa ni/ rnam par dkar ba'i sa 'dzin chen po la gnas pa'i stobs dang mi 'jigs pa'i bdag nyid can gyi seng ge ral pa can/ nyon mongs pa'i ri dwags la khro zhing gtum pa'i rnam 'gyur ston pa brgyad kyis lus kyi stobs rmad du byung bas rin po che las grub pa'i khri 'phang mtho [A:191]zhing khyon yangs pa'i khur dag mngon par bteg pa/ de'i dbus kyi sgo khyim bzhi la bden pa bzhi'i ngo bo 'chi med dbang po dam pa yul 'khor srung la sogs pa bzhi po rang rang gi cha byad dang rgyan gyis brgyan te/ dus gsum gyi rgyal ba rnams kyi bka' dam pa'i chos skyong ba'i las