[B:57b]
mnga' la gzhol bar bzhugs shing / de'i steng na rmang dge ba bcu'i stegs bu la gnas pa'i bang rim dang po dran pa nye bar gzhag pa bzhi'i ngo bo de'i phyogs bzhi'i bab le'i khyim gyi dbus na/ 'khor ba dang mya ngan las 'das pa'i nyes pas rnam par mi bskyod pa rdo rje de bzhin gshegs pa mi bskyod pa dang / tshogs gnyis kyi rgya mtsho chen po las sku gsung thugs mi zad pa'i rin po che mngon par 'byung bas re ba bskong ba'i rin chen 'byung gnas dang / thog ma dang mtha' ma med par 'chi ba med pa'i go 'phang brnyes pa tshe dpag med dang / sku gsum gyi go 'phang bla na med pa mngon du gyur nas rang dang gzhan gyi don yod do cog grub pa ste de bzhin gshegs pa bzhi'i sa bon/ de dag gi g.yas g.yon du/ gdod ma nas rnam par dkar [A:192]ba'i ye shes kyi lang tsho rgyas shing / bde chen bdud rtsi'i 'od dkar 'phro ba'i zla bas gang ba'i rnal 'byor pa'i lhung bzed 'dzin pa gau ri dang / mtshan ma dang rnam par rtog pa'i bdog pa ma lus pa 'phrog pa'i las la dgyes shing / rang byung gi me tog sar pa'i bcud kyis gang ba'i kA pA li thogs pa tsau rI dang / shin tu mi sdug pa'i lang tshon can dur khrod kyi ma mo'i ro gcer bur langs pa'i gar can/ grub pa'i bcud gser gyi mdangs 'phrog pa gci bas gang ba'i snod 'dzin pa ro langs ma dang / bdud dang ma rungs pa thams cad ye shes gcig gi rol pas za bar phod pa ghasma rI rnam par snang mdzad mchog gi gang ba'i gshol 'dzin pa dang / shin tu chags pa'i nyams can 'gro ba mchog gi sha rdo rjes gang ba'i phor pa 'dzin pa pu kA sI dang / phun sum tshogs pa'i lang tsho'i dpal rgyas shing chags sred phal pa'i grong las ring du song ba'i bas mtha' la spyod pa/ rnam drug ro'i bcud kyis gtams pa'i thod pa'i lag can sha ba ri dang / rmi lam gyi lus la sgyu ma'i tshon gyis byugs pa'i lang tsho can/ gtsang sme ring du song bas gdol pa dang mnyam [A:193]par spyod pa sgra snyan lta bu'i cang te'u brdung ba gdol pa mo dang / mchog tu mi 'gyur ba'i bde ba chen po'i rjes su chags