[B:58a]pas gtso bo nyid la dus rtag par mchod pa g.yung mo rnams kyi sa bon 'phags yul gyi yi ge'i snying po lanydza las grub pas mdzes pa'o/ / de'i steng du yang dag par spong ba bzhi'i ngo bo bang rim gnyis pa la bab le dbus ma bzhi'i snying por/ mi shigs pa chen po stong pa nyid kyi mtshon cha mchog gis chos thams cad 'bigs par byed pa'i rigs las byung ba'i gsang ba'i rig ma rdo rje spyan ma'i phyag mtshan rdo rje rtse lnga pa dang / zad mi shes pa'i sku gsum gyi rin po che las phun sum tshogs pa thams cad 'byung ba rdo rje nor bu'i rigs thams cad kyi bdag mo'i phyag rnam par spras pa'i rin po che rdo rje'i tog can dang / skyon gyi 'dam rdzab ma lus pa dang bral zhing / yon tan thams cad pa'i 'dab ma rnam par rgyas pa rdo rje padma mchog gi rigs thams cad la dgyes pa bskyed pa'i dga' ma na bza' dkar mo'i smag gi mtsho rdzing rnam par rgyan pa'i chu skyes sar pa rdo rje'i ze'u 'bru can dang / phrin las rgya mtsho'i sprin rnam par 'phro bas [A:194]
'gro ba ma lus pa yang dag pa'i gnas la 'jog pa rdo rje las kyi 'khor lo'i tshogs mnyes par byed pa'i na chung rdo rje sgrol ma'i phyag gi chu skyes sar pa'i rtse la 'gying ba'i utpal 'dzum brgya'i dga' ston can gyi dbus na phrin las bzhi'i rang bzhin rdo rje rgya gram rnams kyis spras shing / de rnams kyi g.yas g.yon gyi bab le'i khyim la byi ru'i ljon pa yan lag dang ldan pa dang / gnyis 'thung sa srung gi mche ba zung dang / lha'i na bza'i glegs bu bsnol ba dang / 'phrog byed kyi gtsug rgyan 'phos pa lta bu'i rin po che'i dngul bre dang / bai DUrya'i khyud 'khor bsnol ba rin po che kun tu 'od 'phro ba dang / mig utpal gsar pa'i dkyus dang / margad zhun mas byugs pa lta bu'i sku mdangs can ri dwags bse'i rwa khrem gnyer can rnams kyis spras pa/ nam mkha'i mdzod zad pa med pa'i dpal