[B:61a]rten dang 'jig rten las 'das pa'i brtan [A:204]g.yo ma lus pa la khyab pa'i gdugs/ lha'i rin po che sprin mdog mkha' la lding ba lta bu la rin po che sna tshogs pa'i 'phra bkod phul du byung ba dang bcas pa'o/ / de dag gi tog tu yon tan gyi chos ma tshang ba med pa'i cha shas yongs su rdzogs shing / srid zhi'i rgud pa ma lus pa'i tsha gdung sel ba'i 'od dkar phyogs bcur rnam par skyong ba'i 'os ris can zla ba'i dkyil 'khor chen po bde ba dam pa'i bdud rtsi'i chu 'dzag pa'i shel leb las grub pa dang / de'i steng du ma rig pa'i mun pa dang lhan cig mi gnas shing / nyon mongs pa'i 'dam dang sgrib pa'i chu bran rnam par skem pa'i 'od kyi gdung tsha zhing 'bar ba can/ legs par byas pa'i padma kha 'byed pa'i 'od zer rnon po dang ldan pa/ sa dang lam gyi 'bras bu rnam smin pa mthar phyin par byed pa'i nyi ma rin po che me shel las grub pa dang / bgrod par bya ba'i rtse mor phyin pas 'pho ba dang / g.yo ba dang / 'gyur ba dang bral ba'i chos kyi dbyings kyi snang brnyan utpal gsar pa'i snying po rin po che indra nI la las grub pa dag dzambu chu bo'i gser gyi 'od zer pa tras kun nas spras pa dang bcas pa [A:205]lham
me/ lhan ne/
lhang nge snang bas mdzes pa'i chos kyi sku byang chub chen po'i mchod rten dam pa de nyid thar pa chen po'i gzhal med khang mngon sum pa'i gtsug lag khang 'di nyid kyi snying por gyur pa'i yang thog rgyud sde rgya mtsho'i nges gsang bla na med pa thugs su bstar ba'i bla ma rab 'byams ma lus shing lus pa med par mngon sum du bzhugs pa'i dbus su/ dpal kun tu bzang po'i rnam par 'phrul pa las bskrun pa'i mchod sprin zad mi shes pa dang bcas te bzhugs su gsol ba ni/ lha dang bcas pa/ bdud dang bcas pa/ tshangs pa dang bcas pa/ skye dgu'i bdag po dang bcas pa 'gro ba rnams kyi 'khor 'das kyi phan bde ma lus pa'i rtsa lag dam pa bsod nams kyi phung po yongs su rdzogs pa dang kun nas phyag bya ba'i yul dam par gyur pa'o/ / phyis su dad pa dang ldan pa'i skyes chen 'ga' zhig la/