[B:30a]bslab pa gsum dang rim gnyis rnal 'byor la/ /
nyin mtshan g.yel ba med par brtson pa'i mthus/ /
spangs rtogs ye shes phun tshogs yon tan ni/ /
zla shar bdud rtsi'i chu gter bzhin du 'phel/ /
lung rigsrig thos bsam 'khor los [A:92]sgro 'dogs bcad/ /
rnam dag sdom pa gsum gyis thugs rgyud btul/ /
mkhyen brtse nus mthus bstan pa'i rgyal mtshan bzung / /
mkhas dang grub pa'i gtsug rgyan gcig pur gyur/ /
dpal ldan bla ma dam pa'i rnam par thar pa ngo mtshar rin po che'i gter mdzod las thun mong dang thun mong ma yin pa'i lam nyams su bzhes pa'i skabs te brgyad pa'o/ /
CHAPTER 9: SPIRITUAL ACCOMPLISHMENTS; A: pp. 92-107; B: ff. 30a3-34b3
src: The input of the following chapter is done on the basis of the published text (A); readings of the blockprint (B) are not indicated
dgu pa mchog dang thun mong gi dngos grub brnyes pa'i tshul ni/
kun nas rab tu dga' sogs sa dang lam/ /
rnam dag rim gnyis rnal 'byor gyis bgrod nas/ /
rgyal mchog rdo rje sems dpa'i go 'phang brnyes/ /
dpal gyi 'byung gnas 'dren mchog bzang po rgyal/ /
chos nyid ngo bor dbye ba med kyang rgya mtsho che las rba rlabs bzhin/ /
rnam dag ngo mtshar bgrang las 'das mod mtha' dag brjod par su yis spobs/ /
tshur mthong bus pa bdag cag rnams kyi snang ngor shar ba 'di tsam zhig/
slad nas skal can dad pa 'phel te lam la 'bad pa'i don du'o/ /
de yang bdag cag gi bla ma mthu stobs kyi dbang phyug de nyid sngon chos kyi bdud rtsis mchog brnyes kyang / slad nas zhing 'dir gdul bya rnams lam la [A:93]'bad pa'i gnas skabs dang / mthar thug gi 'bras bu la spro ba skyes nas/ dad pa dang / 'dun pa dang / brtul phod pa dang / brtson 'grus kyi 'jug pa mi lhod par bya ba'i don du/ dngos grub brnyes pa'i rtags dang mtshan ma byung ba'i tshul bstan pa ni/
sku na phra mo'i dus mes po yin zer ba'i mi nag po sma ra dang thor cog dkar po yod pa'i rkang dung bzung ba zhig gis gtor zan skam po ster zhing khyod kyi grogs ngas byed pa yin zer ba skabs su byung gsung
gsungs bas/ de dus nas gnyan