[B:36b]bzang po'i na bza' padma rA ga'i mdog can/ gos dar yug sna tshogs pa rnams dbang po'i gzhu ltar bkra bas snyan shal mdzes par byas pa/ lha dang bcas pa'i 'gro ba rnams kyi bsod nams kyi zhing dam par lham me lhan ne lhang nger bzhugs pa'o/ / seng khri'i g.yas ngos na shes rab can gyi mchog shA ri'i bu dang / bslab pa la gus pa'i mchog sras sgra gcan 'dzin no/ / g.yon ngos na rdzu 'phrul can gyi mchog mong gal gyi bu dang / mang du thos pa'i mchog kun dga' bo rnams gtso bo la 'dud pa'i tshul gyis 'greng ste bzhugs pa'o/ / sku'i g.yas phyogs kyi ngos la rim pa bzhin/ rgyal ba'i rgyal tshab sa bcu'i dbang phyug byams pa mgon po dang / kun nas snying rje tshad med pa spyan ras gzigs kyi dbang po dang / gsang ba pa'i bdag po phyag na rdo rje dang / nam mkha' dang mnyam par 'jug pa nam mkha'i snying po dang / g.yon phyogs kyi ngos la shes bya'i gnas ma lus pa la khyab pa'i mkhyen pa'i sgo mtha' yas pa smra ba'i dbang po 'jam dpal dbyangs dang / rgyal ba'i dkyil 'khor rab 'byams dus yol ba [A:115]med par mchod pa'i sprin phung spro bar mdzad pa kun tu bzang po dang / rnam pa thams cad mkhyen pa'i sa la sgrib par byed pa'i gnas ma lus kun nas dbyung bar mdzad pa sgrib pa rnam sel dang / sa'i khor yug ma lus pa la dbang 'byor ba sa'i snying po ste byang chub sems dpa' chen po brgyad rnams sku'i dbyibs rgya dkar nag bal po/ kha ba can gyi rig byed mkhas pa rnams kyi lugs so so dang mthun par sku'i rnam 'gyur/ na bza'/ rgyan phreng sogs de dang de'i tshul ma 'dres par bkod de bzhugs pa'o/ / de rnams kyi mtha' ngos g.yas phyogs na khro bo khams gsum las rnam par rgyal ba dang / g.yon phyogs na khro bo chen po mi g.yo ba gnyis kyi sgo srung 'jigs shing rngams pa'i tshul gyis bzhugs/ sgo 'phar gyi g.yas ngos na/ sum rtsen gnas kyi dbang po mchod sbyin brgya pa dang / g.yon ngos na 'jig rten gyi byed po lha tshangs pa gdong bzhi pa rnams 'greng ste bzhugs so/ / seng khri'i mdun ngos kyi g.yas na/ shAkya'i rgyal po nyid kyi yab rgyal po zas gtsang ma dang / g.yon ngos na
yum sgyu