[A:2a]རབ་ཏུ་བྱུང་བའི་བསྟན་པ་བསྣུགས། དེ་ནས་ལོ་བདུན་ཅུ་རྩ་བརྒྱད་པ། མེ་མོ་གླང་གི་ལོ་ལ། དབུས་གཙང་གི་མི་བཅུས། འཁམས་ནས་སྡོམ་པ་བླངས། དེ་ནས་ལོ་དྲུག་ཅུ་རྩ་བཞི་སོང་བ། ཆུ་ཕོ་རྟའི་ལོ་ལ། ཇོ་བོ་ཆེན་པོ་རྗེ་བོད་དུ་འབྱོན་པའི་ཐོག་མ། སྐྱིད་གྲོང་དུ་ཕེབས། དེའི་ཚེ་ན། ལོ་ཙ་བ་ཆེན་པོ་རིན་ཆེན་བཟང་པོས། ལོ་བརྒྱད་ཅུ་རྩ་ལྔ་བཞེས། རྗེ་མི་ལ་དང་བ་རི་ལོ་ཙཱ་བ་འཁྲུངས་ནས་ལོ་གསུམ་ལོན། ཁྱུང་པོ་རྣལ་འབྱོར་གྱིས་ལོ་ལྔ་བཅུ་རྩ་གསུམ་ལོན། མར་པ་ལོ་ཙཱས་ལོ་གསུམ་ཅུ་རྩ་གཅིག་ལོན། འཁོན་དཀོན་མཆོག་རྒྱལ་པོས་ལོ་དགུ་ལོན། པུ་ཏོ་བས་ལོ་བཅུ་གཉིས་ལོན། བཤེས་གཉེན་སྣེའུ་ཟུར་བ་ཆེན་པོ་འཁྲུངས། དེའི་ཚེ་འབྲོམ་སྟོན་པས་ལོ་སུམ་ཅུ་སོ་བརྒྱད་ལོན། ཇོ་བོ་ཆུ་ཕོ་རྟ་ལ། མང་ཡུལ་དུ་ཕེབས་པ་དེ་ནས། ལོ་གསུམ་མངའ་རིས་སུ་བཞུགས། དབུས་སུ་ལོ་བརྒྱད། ལམ་བར་དུ་ལོ་གཅིག་སྟེ། བདུན་བཅུ་རྩ་གསུམ་པ། ཤིང་ཕོ་རྟའི་ལོ་ལ་དགའ་ལྡན་དུ་གཤེགས། དེའི་ཕྱི་ལོ་ཤིང་མོ་ལུག་ལ་ལོ་ཙཱ་བ་ཆེན་པོ་རིན་ཆེན་བཟང་པོ་དགུ་བཅུ་གོ་བརྒྱད་པ་ལ་གཤེགས། ཇོ་བོ་གཤེགས་ནས། ལོ་དྲུག་པས་མོ་ཕག་ལ། རྔོག་ལོ་ཙཱ་བ་ཆེན་པོ་འཁྲུངས། ལོ་དེ་ཉིད་ལ་རྔོག་ལེགས་པའི་ཤེས་རབ་ཀྱིས་གསང་ཕུ་ནེའུའི་ཐོག་བཏབ། དེ་ནས་ལོ་བཅྭ་ལྔ་པ་ཆུ་མོ་གླང་ལ་དཔལ་ལྡན་ས་སྐྱ་བཏབ། ལོ་ཙཱ་བ་ཆེན་