[A:2]Introduction and Chapter 1: sngon byung gleng bslang gi skabsན་མོ་མཉྫུ་གྷོ་ཥཱ་ཡ།
སྨྲ་བ་རྣམས་ཀྱི་མཆོག་ཐམས་ཅད་མཁྱེན་པ་ལ་ཕྱག་འཚལ་ལོ༎
ཐམས་ཅད་གཟིགས་པས་ཡང་དག་མཁྱེན༎
སྔོན་དང་ཕྱི་མཐའ་ཇི་བཞིན་དགོངས༎
མ་འདྲེས་འབྱེད་པའི་སྤྱན་ཡངས་པ༎
རྐང་གཉིས་གཙོ་བོས་དགེ་ལེགས་སྩོལ༎
དཔལ་ལྡན་ཤཱཀྱའི་བསྟན་འཛིན་མཆོག་ཅེས་མཆོག་ཏུ་ངེས་ཚིག་གསལ་ལྡན་ཉིད༎
ཉིད་གསུང་དྲི་མེད་ཚངས་དབྱངས་ལེགས་སྒྲོག་ལེགས་བཤད་མཁྱེན་པའི་བློ་གྲོས་གང༎
གང་ཡང་འཇམ་དབྱངས་དགེས་པའི་དཔལ་ཁྱོད་དཔལ་མགོན་མ་ཕམ་དགའ་བའི་བཤེས༎
བཤེས་གཉེན་རབ་སྦྱངས་འབུམ་ཕྲག་གྲངས་ལྡན་བགྲང་ཡས་བློ་གསལ་གཙུག་ན་རྒྱལ༎
འདི་ན་ཡོངས་རྫོགས་བསྟན་པའི་ཁུར༎
འདེགས་བྱེད་སྤོས་ཀྱི་གླང་པོ་ནི༎
གླང་ཆེན་ཁྱུ་ལས་ས་སྲུང་བུ༎
གཉིས་པ་སྲིད་པ་ཡོད་མ་ཡིན༎
དེ་ཕྱིར་རང་གི་ཅོད་པན་རྩེར༎
བླ་ན་རྗེ་བཞུགས་དེ་དག་ཀྱང༎
བསླབ་གནས་སྔ་མའི་གྲལ་རིམ་ལས༎
ཡོན་ཏན་རྒྱན་ཕྲེང་ལྕི་མ་ལགས༎
རྒྱལ་བའི་བཀའ་དང་དགོངས་འགྲེལ་རྣམས༎
ཇི་བཞིན་འབྱེད་ལ་དབང་འབྱོར་པས༎