[A:2]Introduction and Chapter 1: sngon byung gleng bslang gi skabsna mo manydzu gho ShA ya/
smra ba rnams kyi mchog thams cad mkhyen pa la phyag 'tshal lo//
thams cad gzigs pas yang dag mkhyen//
sngon dang phyi mtha' ji bzhin dgongs//
ma 'dres 'byed pa'i spyan yangs pa//
rkang gnyis gtso bos dge legs stsol//
dpal ldan shAkya'i bstan 'dzin mchog ces mchog tu nges tshig gsal ldan nyid//
nyid gsung dri med tshangs dbyangs legs sgrog legs bshad mkhyen pa'i blo gros gang//
gang yang 'jam dbyangs dges pa'i dpal khyod dpal mgon ma pham dga' ba'i bshes//
bshes gnyen rab sbyangs 'bum phrag grangs ldan bgrang yas blo gsal gtsug na rgyal//
'di na yongs rdzogs bstan pa'i khur//
'degs byed spos kyi glang po ni//
glang chen khyu las sa srung bu//
gnyis pa srid pa yod ma yin//
de phyir rang gi cod pan rtser//
bla na rje bzhugs de dag kyang//
bslab gnas snga ma'i gral rim las//
yon tan rgyan phreng lci ma lags//
rgyal ba'i bka' dang dgongs 'grel rnams//
ji bzhin 'byed la dbang 'byor pas//