R71: པཎྜི་ཏ་ཆེན་པོ་ཤཱཀྱ་མཆོག་ལྡན་གྱི་རྣམ་པར་ཐར་པ་ཞིབ་མོ་རྣམ་པར་འབྱེད་པ།

  • Pagination (Witness A): 49
[A:49]དེར་རང་ལ་པཎ་ཆེན་གྱི་གདགས་པ་ཐོག་མ་དེ་ནས་བྱུང་གསུང་ཞིང། སླར་ནཱ་ལེནྡྲར་རོང་སྟོན་ཆེན་པོའི་ཞབས་དྲུང་དུ་ཕྱག་སྟོབ་པ་སོགས་མཛད། དེ་དུས་ཡུམ་ལ་གནང་བའི་འཕོ་བའི་ལུང་དེ་ཐོབ་ཅིང། དེར་གསང་ཕུའི་དགུན་ཆོས་ལ་ཕྱིན་པས། མཚུར་ཕུ་འཇམ་དབྱངས་གུ་ཤྲཱི་བའི་གཤེགས་རྫོང་གི་མང་སྐོལ་བ་སླེབ་བྱུང་བས་སྔར་རང་རེ་ལ་གནང་བའི་ཕྱག་དམ་དེ་བསྟན་པས། དེར་འདུས་ཀུན་གྱིས་མངོན་མཁྱེན་ཡོད་པར་གོ་བ་བྱུང་ཞེས་དྲུང་ཆེན་སངས་རྒྱས་སེང་གེ་བ་ལས་བརྒྱུད་པའི་གསུང་སྒྲོས་ལས་སོ༎ དགུན་ཆོས་གྲོལ་རྗེསགསང་ཕུ་བྲག་ནག་པ་རིན་ཆེན་རྒྱལ་མཚན་པར་གྲགས་པ། བྲག་ནག་པ་ཆོས་རྗེ་ངག་གི་དབང་ཕྱུག་པའི་ཕྱག་ཚར་ངོར་ཆེན་ཀུན་དགའ་བཟང་པོ་བདབུས་གོང་མས་གདན་དྲངས་དུས། ཐོག་མར་ཕྱག་ལེན་གྱི་དཔང་པོར་བྱོན་པ་ལ་ཕྱིས་དད་པ་ཐོབ་ནས་ཡོ་གའི་དབང་མང་དུ་ནོས། ལམ་འབྲས་ཀྱང་གསན། འཆག་མེད་ཀྱི་རྒྱུན་ཡང་མ་ཆག་པར་གནང་བ་དེའི་དྲུང་དུ་བྱོན། དཔལ་མཆོག་རྩེ་མོ། ཁམས་གསུམ་རྣམ་རྒྱལ་རྣམས་ཀྱི་དབང་དང། ཁྱད་པར་དཔལ་ལྡན་བླ་མའི་ཕྱག་བཞེས་ལྟར་གྱི་རྡོར་དབྱིངས་ཀྱི་བྲིས་ཐིག་གར་དབྱངས་སོགས་ལ་ཉིན་མཚན་གོར་མ་ཆག་པར་སྦྱངས། དེ་དུས་སུམ་པ་ལོ་ཙ་བའི་བོང་སྟོར་མར་གྲགས་པའི་དབྱངས་ཀྱི་ཨོཾ་ཞེས་པའི་ངང་ལ་བྲག་ནག་གི་གཙུག་ལག་ཁང་ལ་སྐོར་བ་ལན་རེ་ཐོངས་པ་བྱུང་ཞིང། དེའི་ཕྱི་ལོལོ་ཆེན་བསོད་ནམས་རྒྱ་མཚོའི་སྡེས་ཀྱང་བྲག་ནག་ཏུ་ཡོ་གའི་ཕྱག་ལེན་བཞེས་པ་ལ་ཕེབས། དབྱངས་སྐབས་ལོ་ཆེན་དྲུང་གིས་མགུར་ལ་གསལ་ངོམ་གནང་བས། བྲག་ནག་པ་རིན་ཆེན་རྒྱལ་མཚན་པའི་གསུང་གིས། དྲུང་ནས་ཀྱི་མགུར་དབྱངས་སྣ་འདྲེན་པའི་བཞུན་པོ་ནི་ཡིན། གཞན་ན་ནིང་གནས་སྒོ་སློབ་དཔོན་པའི་ཆར་ཡང་མི་བསྒྲུན་གསུང་ཞིང། རྗེ་ལོ་ཆེན་བསོད་